Palmerdan tarixiy rekord: "Chelsi" yulduzi APLda avval hech kim qilmagan ishni uddaladi

Shanba kuni Angliya Premer-ligasining 25-turi doirasida "Vulverxempton" Londonning "Chelsi" jamoasini qabul qildi - 1:3. Birinchi bo'lim yakunlariga ko'ra, "ko'klar" Koul Palmerning xet-trigi evaziga raqibni tor-mor keltirishdi — 3:0. Ingliz futbolchisi o'z gollaridan ikkitasini penaltidan kiritdi.

"Opta Sports" nashrining qayd etishicha, Palmer APL tarixida uch marta birinchi bo'limning o'zida xet-trik qayd etgan ilk o'yinchiga aylandi.

Shuningdek, ushbu xet-trik Palmer uchun "Chelsi" tarkibida APL doirasidagi to'rtinchisi bo'ldi. Bu London klubi uchun APLdagi rekord ko'rsatkichdir.