Toshkentda OFKning “B” diplomi dasturi bo'yicha murabbiylik kurslarining birinchi moduli bo'lib o'tmoqda

O'zbekiston futbol assotsiatsiyasi yurtimizda murabbiylik sohasini yanada rivojlantirish, murabbiylarning malaka va salohiyatini yaxshilashga qaratilgan bir qator chora-tadbirlarni amalga oshirib kelmoqda.

2 mart kuni “Chig'atoy” bazasida OFKning “B” diplomi dasturi bo'yicha murabbiylik kurslarining birinchi moduli start oldi. O'quv jarayonida 24 nafar murabbiy tahsil olmoqda. Ular qatorida Ilyos Qurbonov, Jamshid Mirabdullaev, Bahriddin Vahobov, Abduvali Mo'minov ham bor.

Murabbiylik kurslari FIFA hamda OFK yo'riqchisi Islom Ahmedov rahbarligida o'tmoqda. O'quv jarayoni ham amaliy, ham nazariy mashg'ulotlardan iborat. Birinchi modul ertaga, 6 mart kuni yakunlanadi.

Qayd etish joiz, “B” o'quv kurslari 4 ta moduldan iborat bo'ladi. Modullar oralig'idagi tanaffus 1 oyni tashkil qiladi.