«Inter»ning Kristian Kivu bilan bog'liq rejasi oydinlashdi

«Inter» bosh murabbiy Kristian Kivuni o'z lavozimida saqlab qolmoqchi. Bu haqda «Corriere dello Sport» nashri xabar bermoqda.

Manbaning ma'lumotlariga ko'ra, Milan klubi ruminiyalik mutaxassisga ish haqi oshirilgan holda yangi shartnoma taklif qilish imkoniyatini ko'rib chiqmoqda. Uning amaldagi kelishuvi 2027 yilning yoziga qadar mo'ljallangan.

Hozirda Kivuning maoshi yiliga 2,5 million evroni tashkil etadi. Yangi kelishuv 2028 yilning yoziga qadar amal qilishi ko'zda tutilgan.