Yurgen Klopp «Enfild»ga qaytmoqda

«Liverpul» klubining sobiq bosh murabbiyi Yurgen Klopp Angliyaga qaytmoqda. Bu haqda «Sky Sports» nashri xabar bermoqda.

Manbaning ma'lumotlariga ko'ra, germaniyalik mutaxassis «Enfild» stadionida bo'lib o'tadigan Angliya Premer-ligasining 25-turi doirasidagi «Liverpul» va «Manchester Siti» o'rtasidagi uchrashuvga tashrif buyuradi. Uning bu qarori nima bilan bog'liqligi hozircha noma'lum.

Eslatib o'tamiz, Yurgen Klopp 2015 yildan 2024 yilgacha «Liverpul»ni boshqargan. «Qizillar» bilan birga murabbiy 8 ta sovrinni qo'lga kiritgan, ular orasida APL chempionligi va Chempionlar Ligasi g'olibligi ham bor.