Yamal ketma-ket beshta o'yinda gol urdi

Lamin Yamal ketma-ket beshinchi o'yinda raqiblar darvozasini ishg'ol qildi. "Barselona" vingeri La Liga doirasidagi "Malorka"ga qarshi bahsning 61-daqiqasida gol urishga muvaffaq bo'ldi.

Bungacha u "Albasete", "Elche", "Kopengagen" va "Ovedo" jamoalari bilan o'yinlarda ham o'z nomini tabloga yozdirib qo'ygan edi.

Umumiy hisobda 18 yoshli futbolchi joriy mavsumda "blaugrana" safida 30 ta o'yinda maydonga tushib, 15 ta gol va 12 ta golli uzatmani o'z hisobiga yozib qo'ydi.