APL. "Bornmut" va "Aston Villa" murosa ko'chasini tanladi

Angliya Premer-ligasining 2025/2026 yilgi mavsumi 25-turi doirasidagi "Bornmut" va "Aston Villa" jamoalari o'rtasidagi uchrashuv yakunlandi. Hakamning final hushtagidan so'ng 1:1 hisobi qayd etildi.

Morgan Rodjers 22-daqiqada mehmonlarni oldinga olib chiqqan bo'lsa, 55-daqiqada Rayan hisobni tenglashtirishga muvaffaq bo'ldi.

Ushbu o'yindan so'ng "Bornmut" 34 ochko bilan APL turnir jadvalida 11-o'rinda bormoqda. "Aston Villa" esa 47 ochko bilan uchinchi pog'onada joylashgan.

Navbatdagi turda "gilos"lar 10 fevral kuni safarda "Everton" bilan to'qnashadi, "sherlar" esa 11 fevral kuni o'z maydonlarida "Brayton"ni qabul qiladi.