Levandovski La Liga to'purarlar poygasida kuchli beshlikka qaytdi

Robert Levandovski La Liganing joriy mavsumidagi o'zining 10-golini urdi. "Barselona" hujumchisi 23-tur doirasidagi "Malorka"ga qarshi o'yinning 29-daqiqasida hisobni ochdi (1:0, tanaffus).

Ispaniya chempionati to'purarlar poygasida Levandovski beshinchi pog'onada bormoqda. Undan oldinda "Osasuna" vakili Ante Budimir (11 ta gol), "Barsa"dan Ferran Torres (12 ta gol), "Malorka" hujumchisi Vedat Muriki (15 ta gol) va "Real" yulduzi Kilian Mbappe (22 ta gol) joy olgan.