«Manchester Yunayted» short-listida hozircha ikki vinger nomi bor

Hujumchi Markus Reshford Kataloniyaning «Barselona» klubida qolishi mumkin. Shu munosabat bilan «Manchester Yunayted» ingliz futbolchisiga o'rinbosar qidirishni boshladi.

«Teamtalk» bergan ma'lumotlarga ko'ra, «qizil iblislar»ning qiziqishlari doirasida ikki nafar futbolchi bor. Gap «RB Leyptsig» vingeri Yan Diomande haqida ketmoqda, uning narxi 100 million evroni tashkil etadi. Ikkinchi nomzod esa «Everton» forvardi Iliman Ndiaye bo'lib, uning bozor qiymati 45 million evroga baholanmoqda.

Reshford ushbu mavsumni ijara asosida «Barselona»da o'tkazmoqda. «Ko'k-anorranglilar» futbolchini 30 million evro evaziga sotib olish huquqiga ega.