MLSning 17 yoshli iqtidori uchun «Bavariya» va «MYu» o'rtasida kurash boshlandi

«Sharlott» vingeri Nimfash Berchimas MLSni tark etib, faoliyatini Evropaning top-klubida davom ettirishi mumkin. Bu haqda insayder Ekrem Konur xabar bermoqda.

Manba bergan ma'lumotlarga ko'ra, 17 yoshli futbolchini o'z safiga qo'shib olishga Myunxenning «Bavariya» va Angliyaning «Manchester Yunayted» klublari qiziqish bildirmoqda. Germaniya grandi o'yinchi uchun asosiy da'vogar hisoblanayotgan edi, biroq «qizil iblislar» Bundesliga chempionining rejalariga to'sqinlik qilishi mumkin.

Berchimasning Amerika klubi bilan shartnoma majburiyatlari joriy yilning yakuniga qadar mo'ljallangan. Nufuzli «Transfermarkt» portali ekspertlari futbolchining bozor qiymatini 300 ming evroga baholashmoqda.