«Manchester Siti» xo'jayinlari Frantsiyada klub sotib olmoqchi

"Manchester Siti" xo'jayiniga tegishli bo'lgan "City Football Group" kompaniyasi Frantsiyaning "Nansi" klubini sotib olmoqchi.

"L’Équipe" tarqatgan xabarga ko'ra, hozirda tomonlar o'rtasida muzokaralar kechmoqda va kelishuv amalga oshishga yaqin turibdi. Kelishuvning moliyaviy tomonlari hozircha sir saqlanmoqda. "Nansi" yangi xo'jayin qo'liga o'tsa-da, klubning amaldagi prezidenti Jak Russelo ikki yil davomida o'z ishini bajarishda davom etadi.

"Nansi" klubi hozirda Liga 2'da ishtirok etmoqda. Jamoa 27 turdan keyin jadvalda 14-o'rinni egallab turibdi.

Ma'lumot o'rnida. "City Football Group" xoldingi "Manchester Siti"dan tashqari, jahon bo'ylab "Nyu-York Siti" (AQSh), "Melburn Siti" (Avstraliya), "Jirona" (Ispaniya) kabi bir qator klublarga egalik qiladi.

Manba: soccernews.ru