«PSJ» prezidenti Mbappeni jahonda eng ko'p maosh oluvchi futbolchiga aylantirmoqchi

«PSJ» rahbariyati jamoa hujumchisi Kilian Mbappeni o'z safida olib qolish uchun burcha kuchni sarflamoqchi.

"Paris United" tarqatgan xabarga ko'ra, jamoa prezidenti Nosir al-Xelayfiy frantsiyalik futbolchini kamida JCh-2022ga qadar klubda qolishini istamoqda. Shuning uchun parijliklar yozgi transfer paytida tushadigan har qanday taklifni rad qilishadi.

Bundan tashqari, "PSJ" Mbappega yangi shartnoma taklif qilib, uni jahonning eng ko'p maosh oladigan futbolchisiga aylantirishga tayyor. Kilian yangi shartnomaga imzo cheksa, katta miqdorda mukofot puli oladi.

O'yinchining ota-onasiga klub taklifi ma'qul kelmoqda, ammo so'nggi so'zni Mbappening o'zi aytadi.