Terri: "Arsenal" xuddi Chempionlar Ligasi finaliga chiqqandek bayram qildi"

"Chelsi"ning sobiq sardori Jon Terri Liga kubogi yarimfinalida "Arsenal"ga qarshi kechgan qarama-qarshilik natijalari haqida fikr bildirdi.

Seshanba kuni bo'lib o'tgan javob uchrashuvi "kanonirlar"ning 1:0 hisobidagi g'alabasi bilan yakunlandi. Mikel Arteta jamoasi ikki o'yin natijasiga ko'ra (4:2) ustun keldi va finalga yo'l oldi.

"O'sha o'yindan keyin "Arsenal"ning bayram qilishi haqida gapirmoqchiman. Bu Chempionlar Ligasi emas, Angliya Liga Kubogi ekanini unutmaylik. Menimcha, ular bayramni juda qizg'in nishonlashdi - bu jamoa hozir qanday bosimni boshdan kechirayotganining yana bir ko'rsatkichidir. "Arsenal" - APLda hozircha eng kuchlisi, ammo Liga kubogi finali - bu Chempionlar Ligasi finali emas", - deya Terrining so'zlarini keltiradi ingliz OAV.

Finalda "Arsenal" "Manchester Siti"ga qarshi maydonga tushadi.