Flik Yamalning kelajagi haqida: "U hali o'z salohiyatini to'liq ochib ulgurmadi"

"Barselona" ustozi Xans-Diter Flik matbuot anjumanida jurnalistlar qarshisida chiqish qildi. Nemis mutaxassisidan vinger Lamin Yamal bilan ishlash jarayoni haqida so'rashdi.

"Yamal? Men undan juda mamnunman. U sezilarli darajada o'sishga erishdi. Eng muhimi — u futboldan zavq olmoqda. Bizga aynan shu kerak. U bor e'tiborini o'yinga qaratgan. Biz unga yordam beryapmiz. Uning darajasi — aql bovar qilmas. Shu bilan birga, unda yaqin yillar ichida namoyon eta olishi mumkin bo'lgan ulkan salohiyat mavjud", — dedi Flik.

Joriy mavsumda Lamin Yamal 29 ta o'yin o'tkazib, ularda 14 ta gol urdi va sheriklariga 13 ta golli uzatmani amalga oshirdi.