Goretska nima uchun "Arsenal" taklifini rad etgani ma'lum bo'ldi

Qishki transfer oynasi yopilishi arafasida "Arsenal" haqiqatan ham "Bavariya" yarim himoyachisi Leon Goretskaning transferi bo'yicha taklif bilan chiqqan edi. Ammo futbolchi qishda jamoasini o'zgartirmaslikka qaror qilgandi.

"Goretska so'nggi soniyalarda bergan va'dasini buzishga tayyor emasdi — hatto "Arsenal" uchun bo'lsa ham", — deb yozdi taniqli jurnalist Kristian Falk.

Avvalroq, Leon Goretska mavsum yakunida "Bavariya"dan ketishi e'lon qilingan edi. Yozda nemis futbolchisini erkin agent sifatida o'z safiga qo'shib olish mumkin bo'ladi.

"Transfermarkt" portali mutaxassislari 31 yoshli Goretskaning bozor qiymatini 15 million evroga baholamoqda.