"Turnir taqdiri shu haftada hal bo'ladi": Pol Merson APLdagi vaziyat haqida gapirdi

O'z vaqtida Londonning "Arsenal" klubida to'p surgan Pol Merson "kanonirlar"ning "Sanderlend"ga qarshi bo'lajak o'yini haqidagi fikrlari bilan o'rtoqlashdi.

Ekspertning fikricha, APL 25-turidan o'rin olgan ushbu uchrashuv natijasi chempionlik poygasiga katta ta'sir ko'rsatadi.

"Menimcha, titul uchun kurash masalasi shu dam olish kunlarida hal bo'ladi. "Arsenal" ushbu o'yinda ochko yo'qotishini tasavvur ham qila olmayman. Agar "Arsenal" g'alaba qozonsa, eng yaqin ta'qibchisidan to'qqiz ochkoga o'zib ketadi", — deya Mersonning so'zlarini keltirmoqda "Sportskeeda".

Mikel Arteta jamoasi ayni damda Angliya chempionati turnir jadvalida birinchi o'rinni egallab turibdi. London klubi hisobida 53 ochko mavjud.