Jeymi Karrager: "Gvardiola nafaqat g'olib, balki futbolni o'zgartirgan inqilobchi"

"Liverpul" va Angliya terma jamoasi sobiq futbolchisi Jeymi Karrager "Manchester Siti" bosh murabbiyi Xosep Gvardiola haqidagi fikrlari bilan o'rtoqlashdi.

"Ayrim murabbiylar g'alaba qozonganlari uchun afsonaga aylanishadi. Boshqalari esa o'yinni o'zgartirib, uni yangi bosqichga olib chiqishadi. Gvardiola o'zida bularning barchasini birlashtirgan: u sovrinlarni shunday tarzda qo'lga kiritadiki, uning qoldirgan merosi o'zi boshqargan klublar chegarasidan ancha chetga chiqib ketadi", - dedi ekspert.

Ispaniyalik mutaxassis "shaharliklar" boshqaruvini 2016 yilda o'z qo'liga olgan edi. Gvardiola ingliz klubi bilan Chempionlar Ligasida g'olib chiqdi va olti karra Angliya chempioniga aylandi.

APLning joriy mavsumida "Manchester Siti" 47 ochko jamg'ardi. Gvardiola jamoasi turnir jadvalida ikkinchi o'rinni egallab turibdi va peshqadam "Arsenal"dan olti ochko ortda qolmoqda.