Rafinya va Xavi o'rtasidagi munosabatlar qanday bo'lgan? Futbolchining o'zi javob berdi

"Barselona"ning braziliyalik vingeri Rafinya Dias jamoaning sobiq bosh murabbiyi Xavi Ernandes bilan qanday munosabatda bo'lganligi haqidagi savolga javob berdi.

"Xavini do'stim deb hisoblay olamanmi? Yo'q, aslida unday emas. Bu mutlaqo professional munosabatlar edi. Men uni faqat o'z murabbiyim sifatida bilardim. Futbolchi va murabbiy o'rtasidagi oddiy munosabatlar", — deya Rafinyaning so'zlarini keltirmoqda "Barca Universal".

Xavi 2021 yildan 2024 yilgacha "Barselona"ni boshqargan. Ayni damda "ko'k-anorranglilar" ustozi Xans-Diter Flik hisoblanadi.