«Hamma narsani yomon bajardik»: «Betis» ustozi «Atletiko»dan uchralgan sharmandali mag'lubiyat haqida gapirdi

«Betis» bosh murabbiyi Manuel Pellegrini Ispaniya Kubogi chorak finalida Madridning «Atletiko» klubidan uchralgan yirik (0:5) mag'lubiyatga izoh berdi.

«Birinchi golgacha o'yin teng kurashlar ostida kechayotgan edi. Biz hamma narsani yomon bajardik, endi ushbu natijani tan olishimiz va o'z-o'zimizni tanqid qilishimiz kerak. Umuman olganda, mavsum kutilganidek davom etmoqda. Biz La Liga va evrokuboklarda kurashni davom ettiramiz», — deya mutaxassisning so'zlarini keltirmoqda ESPN.

Ayni damda «Betis» 35 ochko bilan turnir jadvalida beshinchi o'rinda bormoqda, «Atletiko» esa 45 ochko bilan uchinchi pog'onani egallab turibdi. 8 fevral kuni ushbu klublar La Liganing 23-turi doirasida yana to'qnash kelishadi.