«Yuventus» yana trebl qayd eta olmaydi

«Yuventus» bu mavsumda trebl qila olmaydi. Bugun Luchano Spalletti boshchiligidagi jamoa Italiya Kubogi chorak finalida "Atalanta"ga 0:3 hisobida imkoniyatni boy berib, turnirni tark etdi.

Turinliklar o'z tarixida hali biror marta bir mavsumning o'zida ham Italiya chempionati, ham mamlakat Kubogi, ham Chempionlar ligasida (Evropa chempionlar kubogi) g'olib chiqmagan.

Ayni damda Seriya A turnir jadvalida "byankonerilar" 23 turdan so'ng 45 ochko jamg'arib, 4-o'rinni egallab turibdi. Chempionlar ligasining nimchorak finalida ular "Galatasaroy" bilan to'qnash kelishadi.