Slot: «Menga yangi o'yinchilar kerak edi»

«Liverpul» qishki transfer oynasi yopilishidan avval tarkibni kuchaytira olmadi. «Qizillar» jarohat olgan Jeremi Frimpongning o'rniga yangi o'ng qanot himoyachisini sotib olmoqchi edi, biroq birorta futbolchi bilan kelishuvga erishilmadi. Mersisaydliklar uchun «RB Leyptsig»dan ijara asosida «Sanderlend»da o'ynayotgan Lyutsxarel Gertreyda asosiy nomzod bo'lib turgan edi.

«Transfer oynasi ochiq bo'lgan vaqtda tarkibni kuchaytirishga harakat qildik, biroq siz aytgan futbolchini (Gertreyda) yakunda qo'lga kirita olmadik. Ammo biz harakat qildik — bu aniq, men bu haqda avval ham aytganman. Menga yangi futbolchilar kerak edi va transferlarni istagan yagona odam men emasdim», – deya Arne Slotning so'zlarini keltirmoqda Anything Liverpool.

Yakshanba kuni «Liverpul» Premer-liganing 25-turi doirasida o'z uyida «Manchester Siti»ni qabul qiladi.