Trent qaytmoqda: «Real»ning ingliz yulduzi «Valensiya»ga qarshi o'yinga tayyor

«Real Madrid»ning o'ng qanot himoyachisi Trent Aleksandr-Arnold maydonga qaytish arafasida. Inligz futbolchisi jarohatdan keyingi tiklanish jarayonini yakunladi va La Liga doirasidagi «Valensiya»ga qarshi o'yinda ishtirok etishga tayyor, deb xabar bermoqda Diario AS. 27 yoshli futbolchi «qaymoqranglilar»ning asosiy tarkibida maydonga tushishi ham istisno etilmayapti.

Alvaro Arbeloa boshchiligidagi jamoaning «ko'rshapalaklar»ga qarshi safar uchrashuvi yakshanba, 8 fevral kuni bo'lib o'tadi. O'yin Toshkent vaqti bilan tungi soat 01:00 da (9 fevralga o'tar kechasi) boshlanishi rejalashtirilgan.

Trent Aleksander-Arnold o'tgan yilning yozida «Liverpul»dan «Real»ga ko'chib o'tgan edi. Jarohati sababli u dekabr oyi boshidan beri madridliklarning o'yinlarida ishtirok eta olmay kelayotgandi.