«Bu futbol emas!» — «Yuventus» sobiq yulduzi kubok o'yinidagi hakamlikni keskin tanqid qildi

Turinning «Yuventus» klubi sobiq o'yinchisi Alessio Takkinardi jamoaning Italiya Kubogi chorak finalida «Atalanta»ga yirik hisobda mag'lub bo'lib, turnirni tark etganiga izoh berdi. Takkinardining fikricha, bunga shubhali penalti sabab bo'lgan.

«U erda umuman penalti yo'q edi. Agar shunday vaziyatlar uchun penalti beriladigan bo'lsa, bu futbol emas. Menga bu o'yindagi hakamlik mutlaqo yoqmadi», — deya sobiq futbolchining so'zlarini keltiradi calcioatalanta.it.

Eslatib o'tamiz, Turinning «Yuventus» klubi Italiya Kubogida 15 marta zafar quchgan bo'lib, oxirgi marta bu voqea 2024 yilda yuz bergan. «Atalanta» esa o'z tarixida ushbu sovrinni bor-yo'g'i bir marta — 1963 yilda qo'lga kiritgan.