Pashalichning : «Biz «Yuventus» ustidan to'liq hukmronlik qildik va g'alabaga loyiq edik»

«Atalanta» Italiya Kubogi chorak finalida Turinning «Yuventus» jamoasi darvozasiga javobsiz uchta gol yo'llab, ishonchli tarzda yarim finalga yo'l oldi. Uchrashuvdagi so'nggi golga mualliflik qilgan xorvatiyalik futbolchi Mario Pashalichning fikricha, uning jamoasi bahs davomida to'liq ustunlik qilgan.

«Menga berilgan o'yin vaqtidan maksimal darajada samarali foydalanishga harakat qilyapman. O'yin davomida himoyalanishga va bir oz sabr qilishga to'g'ri kelgan vaziyatlar ham bo'ldi, ammo umuman olganda, biz dominantlik qildik va yarim final yo'llanmasiga munosib edik», — deya futbolchining so'zlarini keltiradi calcioatalanta.it.

Eslatib o'tamiz, «Atalanta» o'z tarixida Italiya Kubogida faqat bir marta — 1963 yilda g'olib chiqqan.