«Bavariya» Serj Gnabri bilan shartnomani 2028 yilgacha uzaytirganini e'lon qildi

Myunxenning «Bavariya» klubi qanot hujumchisi Serj Gnabri bilan shartnomani 2028 yilgacha uzaytirganini ma'lum qildi. Bu haqda nemis klubining X ijtimoiy tarmog'idagi sahifasida xabar berildi. Vingerning «qizillar» bilan avvalgi kelishuvi joriy mavsum yakunida o'z kuchini yo'qotishi kerak edi.

Eslatib o'tamiz, Serj Gnabri «Bavariya» safida 2017 yildan beri to'p surib kelmoqda. U Myunxen jamoasiga Bremenning «Verder» klubidan ko'chib o'tgan. Shu vaqt mobaynida u myunxenliklar safida 311 ta uchrashuv o'tkazib, 100 ta gol urdi va 69 ta golli uzatma amalga oshirdi. OAVda tarqalgan ma'lumotlarga ko'ra, futbolchining yangi shartnoma bo'yicha yillik maoshi 15–16 million evroni tashkil etadi.

Joriy mavsumda 30 yoshli futbolchi klub safida barcha musobaqalarda 26 ta o'yinda ishtirok etib, «gol+pas» tizimi bo'yicha 7+8 ko'rsatkich qayd etdi.