Duran — «Zenit» futbolchisi! Fabritsio Romano transferni tasdiqladi

Hujumchi Jon Duran «Zenit» klubiga o'tmoqda. «An-Nasr» kolumbiyalik futbolchini Sankt-Peterburg klubiga sotib olish huquqisiz ijaraga bermoqda, deb xabar beradi insayder Fabritsio Romano.

Duranning «Fenerbaxche» bilan tuzilgan avvalgi ijara shartnomasi bekor qilindi. Ma'lum qilinishicha, «Zenit» va «An-Nasr» kelishuv uchun barcha zarur hujjatlarni rasmiylashtirib bo'lgan.

Joriy mavsumda Duran Turkiya chempionatida 10 ta o'yinda maydonga tushib, 3 ta gol urdi va 2 ta golli uzatmani amalga oshirdi.