Eden Azar: «Inter» — Italiyaning so'nggi 5 yildagi eng kuchli jamoasi»

Belgiya futboli afsonasi Eden Azar Milanning «Inter» klubi haqida o'z fikrlarini bildirib, «neradzurri»larning so'nggi yillardagi barqarorligini yuqori baholadi.

Azarning fikricha, «Inter»ning muvaffaqiyatlari zamirida tizimli ish yotibdi.

«Agar jamoa uch yil ichida ikki bor (Evrokuboklarda) finalga chiqqan bo'lsa, bu albatta tasodif emas. Klub rahbariyati juda malakali, futbolchilarning darajasi esa yuqori. «San-Siro»dagi muhit va muxlislar esa haqiqatan ham o'yin taqdiriga ta'sir o'tkaza oladigan kuch», — deydi Azar.

Shuningdek, Eden o'z vaqtida «Inter»ga o'tishi mumkin bo'lgani haqidagi savolga ham javob berdi. Uning so'zlariga ko'ra, klubning sobiq prezidenti Massimo Moratti unga befarq bo'lmagan.

«Men «Inter»ga o'tishga yaqin bo'lganmanmi? Moratti menga tez-tez komplimentlar qilib turardi va o'yinimni yuqori baholardi», — deya ta'kidladi belgiyalik sobiq futbolchi.