UEFA Yoshlar ligasi tarixida muxlislar tashrifi bo'yicha yangi rekord o'rnatildi

UEFA Yoshlar ligasi doirasidagi «Kyoln» va «Inter» o'rtasidagi bahsga 50 000 tomoshabin tashrif buyurdi.

Bu turnir tarixidagi mutlaq rekord ko'rsatkichdir. 1/16 final bosqichidan o'rin olgan ushbu uchrashuv Kyolndagi «RaynEnergiShtadion»da bo'lib o'tdi va mehmonlarning 3:1 hisobidagi g'alabasi bilan yakunlandi.

Avvalgi rekord 40 368 tomoshabinni tashkil etgan bo'lib, u o'tgan mavsumda «Trabzonspor» va «Inter» (Turkiyada) o'rtasidagi o'yinda qayd etilgan edi.