Ispaniya kubogining to'rtta yarim finalchisidan uchtasi ma'lum bo'ldi

Ispaniya Kubogi-2025/2026 mavsumi chorak final bosqichining uchta o'yini bo'lib o'tdi, ularning natijalariga ko'ra ikki o'yinlik qarama-qarshilik doirasida o'tkaziladigan turnir yarim finalining uchta ishtirokchisi aniqlandi.

Bu ishtirokchilar "Barselona", "Real Sosedad" va "Atletik" bo'ldi. Eslatib o'tamiz, 1/4 final doirasida "ko'k-anorranglilar" "Albasete"dan 2:1 hisobida ustun kelgandi. "Real Sosedad" Basklar derbisida "Alaves" ustidan irodali g'alabaga erishdi (3:2), "Atletik" esa uchrashuv so'ngida "Valensiya"dan g'alabani tortib oldi - 2:1.

Musobaqa yarim finalining to'rtinchi ishtirokchisi bugun, 5 fevral kuni "Betis" - "Atletiko" uchrashuvi natijalariga ko'ra aniqlanadi. 1/2 final juftliklari qur'adan so'ng ma'lum bo'ladi.