APL klubi Lingard transferini rad etdi

«Vest Xem Yunayted» «Manchester Yunayted» va Angliya terma jamoasining sobiq yarim himoyachisi Jessi Lingard bilan shartnoma imzolash imkoniyatini rad etdi. Bu haqda talkSPORT xabar bermoqda.

Manbaning ma'lumotlariga ko'ra, APLning bir qator jamoalari xavbek bilan hamkorlik qilishdan bosh tortgan. «Bolg'achilar» Lingard o'rniga Adama Traoreni sotib olishni afzal ko'rishgan. Ta'kidlanishicha, futbolchi faoliyatini Evropadan tashqarida davom ettirish variantlarini ko'rib chiqmoqda, chunki ba'zi chempionatlarda transfer oynasi hali ochiq.

Hozirda Jessi Lingard erkin agent hisoblanadi. Uning so'nggi klubi Koreyaning «Seul» jamoasi bo'lib, u erda 2024 yildan 2025 yilgacha to'p surgan. Lingard «Seul» safida 67 ta o'yinda ishtirok etib, 19 ta gol urdi va 10 ta golli uzatmani amalga oshirdi.