«Real» «Liverpul» yulduzidan umidini uzmagan

«Liverpul» yarim himoyachisi Aleksis Mak Allister faoliyatini Ispaniyada davom ettirishi mumkin.

Jurnalist Mario Kortegananing ma'lumotlariga ko'ra, o'tgan mavsumda «Real»ning sobiq bosh murabbiyi Karlo Anchelotti Madrid klubi rahbariyatidan argentinalik futbolchi bilan shartnoma imzolashni so'ragan edi. O'shanda kelishuv amalga oshmagan bo'lsa-da, «qaymoqranglilar» futbolchidan ijobiy javob olishgan.

Mak Allisterga hamon «Real»da xayrixohlik bilan qarashmoqda. Uning 2028 yil yozigacha mo'ljallangan shartnomasi bor, agar Madrid klubi futbolchini sotib olishga yana bir bor urinib ko'rsa, potentsial transferni ancha haqiqatga yaqin qilishi mumkin.

Aleksis Makallister 2023 yilda «Brayton»dan «Liverpul»ga 42 million evro evaziga o'tgan edi. Joriy mavsumda argentinalik futbolchi «qizillar» safida barcha turnirlarda 34 ta o'yin o'tkazib, 3 ta gol urdi va 4 ta golli uzatmani amalga oshirdi.