"Albasete" himoyachisi "Barselona" va "Real" Madrid o'rtasidagi farqni tushuntirib berdi

"Albasete" klubi himoyachisi Xavi Moreno Ispaniyaning ikki grand jamoasi — "Barselona" va "Real" Madridning o'yin uslublarini o'zaro taqqosladi.

Ispaniya Segundasi vakili joriy mavsumda mamlakat Kubogi doirasida har ikkala jamoaga qarshi maydonga tushdi. "Albasete" dastlab "qaymoqranglilar"ni 3:2 hisobida mag'lub etgan bo'lsa, keyinchalik "ko'k-anorranglilar"ga 1:2 hisobida imkoniyatni boy berdi.

"Barselona"da "Real"ga qaraganda tartib ancha yuqori, madridliklar esa ko'proq anarxik (tartibsiz) uslubda o'ynashadi. Biroq, boshqa tarafdan, bu holat "Barselona"ning o'yinini oldindan taxmin qilishga qulayroq qilib qo'yadi", — deya futbolchining so'zlarini keltirmoqda Mundo Deportivo.

Ma'lumot uchun, "Albasete" ayni damda Ispaniya ikkinchi divizioni turnir jadvalida 12-o'rinni egallab turibdi.