Duran "Zenit"da tibbiy ko'rikdan o'tdi

Saudiya Arabistonining "An-Nasr" klubi markaziy hujumchisi Sankt-Peterburgning "Zenit" klubiga o'tishning so'nggi bosqichida. Xabarga ko'ra, kolumbiyalik futbolchi yangi jamoasida allaqachon tibbiy ko'rikdan o'tgan va tez orada mehnat shartnomasini imzolaydi.

Avvalroq, Duran joriy mavsum yakuniga qadar ijara asosida "Zenit" tarkibini to'ldirishi haqida xabarlar tarqalgan edi. Bitim summasi 4 mln evroga baholanmoqda. Hujumchining maoshini "An-Nasr" to'laydi.

Joriy mavsumni ham forvard Turkiyaning "Fenerbaxche" klubida ijarada o'tkazmoqda. Joriy mavsumda 22 yoshli futbolchi 21 ta o'yinda maydonga tushib, beshta gol va uchta assist muallifi bo'ldi.