Ronaldu "An-Nasr" bilan shartnomani bekor qilish imkoniyatini ko'rib chiqdi

"An-Nasr"ning portugaliyalik hujumchisi Krishtianu Ronaldu klubdagi vaziyatdan hafsalasi pir bo'ldi va shartnomani bekor qilish imkoniyatini ko'rib chiqdi, deb yozadi The Touchline X ijtimoiy tarmog'ida. Manbaga ko'ra, Ronaldu "An-Nasr"dagi ta'siri pasayganini, asosiy qarorlarni qabul qilishda uning fikri ahamiyatga ega emasligini ta'kidlamoqda.

Avvalroq, Krishtianu Saudiya klubida o'zini baxtsiz his qilayotgani haqida xabarlar tarqalgan edi. Ronaldu "An-Nasr" safida 2023 yildan buyon to'p tepib kelmoqda. Futbolchining klub bilan shartnomasi 2027 yilgacha mo'ljallangan.

Nufuzli Transfermarkt internet portali hujumchining transfer narxini 12 mln evroga baholamoqda.