Mbappe XXI asrda top-5 ligalarda penaltidan urilgan gollar rekordiga yaqin
/ Kiritdi: BestMaster Ko'rilgan: 20
«Real» hujumchisi Kilian Mbappe XXI asrda top-5 ligalarda 11 metrlik zarbalardan kiritilgan gollar bo'yicha rekordga to'rtta gol qoldi.
La Liganing 22-turida «Rayo Valekano»ga qarshi o'yinda futbolchi 90+10-daqiqada penaltini aniq ijro etdi — bu uning penaltidan urgan 12-goli bo'ldi. Uchrashuv madridliklarning g'alabasi bilan — 2:1 hisobida yakunlandi. Bu haqda Score 90 statistik portali X ijtimoiy tarmog'ida xabar berdi.
Portal ma'lumotlariga ko'ra, penaltidan urilgan gollar bo'yicha rekord italiyalik hujumchi, «Bolonya» futbolchisi Chiro Immobilega tegishli. U 2019/2020 yilgi mavsumda 11 metrlik zarbalardan 15 ta gol urgan.
Qayd etilishicha, 2026 yilda Mbappe olti uchrashuvda penaltidan allaqachon uchta gol muallifi bo'lgan.
Bosh sahifaga
264