Inesta murabbiylik faoliyatini boshlash niyatida

«Barselona»ning sobiq yarim himoyachisi Andres Inesta murabbiylik faoliyatini boshlash niyati borligini tasdiqladi.

«Ha, hozirgi kunda bu — mening asosiy motivatsiyam. Hozir shu jarayondaman, aynan shu ish bilan shug'ullangim keladi va unga imkon qadar yaxshi tayyorlanishga harakat qilaman», — dedi jahon va Evropa chempioni Cadena SER Catalunya’ga bergan intervyusida.

41 yoshli ispaniyalik hozircha o'zini «Barselona»da — na murabbiy, na klubning sport tuzilmasida — ko'rmayotganini aytdi.

«Yoshimni hisobga olsak, ehtimol, u erga 15 yillardan keyin borishim mumkin. Uzoq muddatli rejalar tuzmayapman. Hozir murabbiylik litsenziyasini olyapman. Keyin nima bo'lishini yozda ko'ramiz, shunda variantlarni baholaymiz», — deya qo'shimcha qildi Inesta.