"Barselona" prezidenti: "Real" futbolchilari jarima maydoni ichida simulyatsiya qilishga o'rganib qolgan"

"Barselona" prezidenti Joan Laporta Ispaniya chempionatining 22-turidan o'rin olgan "Real" - "Rayo Valekano" (2:1) uchrashuvi haqida gapirdi, unda "qaymoqranglilar" 90+10-daqiqada hujumchi Kilian Mbappening penaltidan urgan goli evaziga g'alaba qozondi.

"Real" - "Rayo Valekano" o'yinini tomosha qildim. To'qqiz yoki 10 daqiqalik qo'shimcha vaqt qaerdan kelganini bilmayman. Bir necha vaziyatlarda "Real" futbolchilari jarima maydonchasi ichida o'zlarini qo'l tekkandek ko'rsatishga o'rganib qolgani ko'rindi. Bu kartochkaga olib kelishi kerak edi. "Rayo" juda noqulay ahvolda edi", - deya Laportaning so'zlarini keltiradi AS.