Gvardiola "Nyukasl"ga qarshi o'yin oldidan "Siti" jiddiy yo'qotishga uchraganini ma'lum qildi

"Manchester Siti" hujumkor yarim himoyachisi Rayan Sherki jarohat oldi. Bu haqda "shaharliklar" bosh murabbiyi Pep Gvardiola "Nyukasl"ga qarshi Angliya liga kubogi yarim final javob o'yini oldidan o'tkazilgan matbuot anjumanida ma'lum qildi.

Shuningdek, ispaniyalik mutaxassis Ruben Diash umumiy guruhga qaytganini, Doku esa hali tayyor emasligini ma'lum qildi.

"Manchester Siti" "Nyukasl"ga qarshi dastlabki o'yinda 2:0 hisobida g'alaba qozongan.