«Roma»da pasayish kuzatilmoqda

«Roma» Italiya chempionatida yana g'alaba qozona olmadi.

Jan Pero Gasperini jamoasi 23-tur doirasida «Udineze»ga 0:1 hisobida mag'lub bo'ldi.

Bu «Roma» uchun barcha musobaqalarda ketma-ket uchinchi g'alabasiz o'yin. Bungacha rimliklar Evropa ligasida «Panatinaikos» va chempionatda «Milan» bilan 1:1 hisobida durang o'ynagan edi.

Natijada «Roma» Seriya A jadvalida 5-o'rinda bormoqda va peshqadam «Inter»dan 12 ochkoga ortda qolyapti. Eslatib o'tamiz, 12-turdan keyin rim klubi chempionatda etakchi bo'lgan.

Keyingi turda «Roma» 9 fevral kuni o'z maydonida «Kalyari»ni qabul qiladi.