Yamal butun faoliyatini «Barselona»da o'tkazmoqchi

18 yoshli Lamin Yamal butun faoliyatini «Barselona»da o'tkazishni istashini bildirdi.

Vinger Barselonada chiqadigan Mundo Deportivo gazetasining 120 yilligi munosabati bilan o'tkazilgan gala-tadbirda ishtirok etdi.

Kelajagi haqidagi savolga Yamal shunday javob berdi:
«Umid qilamanki, umrimning oxirigacha shu erda qolaman, dunyoning eng yaxshi klubi va eng yaxshi shahrida har bir kundan rohatlanaman».

«Biz Ispaniya Kubogi yarim finaliga chiqish uchun kurashyapmiz. Bu — albatta yutishimiz shart bo'lgan sovrin», — deya qo'shimcha qildi futbolchi.