Flik: «Ferran — aql bovar qilmaydigan hujumchi»

"Barselona" bosh murabbiyi Xans-Diter Flik jamoa uchun hujumchi Ferran Torres va yarim himoyachi Fermin Lopesning ahamiyati haqida fikr bildirdi. Torres La Liganing 22-turidan o'rin olgan "Elche"ga (3:1) qarshi o'yinda gol urdi.

"Ferran - aql bovar qilmaydigan futbolchi. U bilan ishlash imkoniyatim borligi ajoyib, umid qilamanki, u "Barselona"da uzoq vaqt qoladi. Bundan tashqari, Fermin menga juda yoqadi. Deku o'z ishini a'lo darajada bajarmoqda, bu klub kelajagi uchun yaxshi yangilik deb o'ylayman. Fermin bilan shartnomani uzaytirish - ajoyib yangilik," - deya Flikning so'zlarini keltiradi AS.

Ayni paytda Kataloniya klubi La Liga turnir jadvalida peshqadamlik qilmoqda.