Infantino: «Tramp mukofotga to'la haqli edi»

FIFA rahbari Janni Infantino AQSh prezidenti Donald Tramp 2026 yilgi jahon chempionati guruh bosqichi qur'asida olgan tashkilot tomonidan ta'sis etilgan Tinchlik mukofotiga munosib ekanligini aytdi.

"FIFAning "Futbol dunyoni birlashtiradi" shiori tinchlikparvarlik bilan yonma-yon yuradi. Agar biz biror narsa bilan yordam bera olsak, buni qilishga majburmiz. Shu sababli biz ham bu yo'nalishda mehnat qilayotgan insonlarni taqdirlash haqida o'yladik. Janob Tramp bu mukofotga to'la haqli edi. U mojarolarni hal qilish va minglab odamlarning hayotini saqlab qolishda muhim rol o'ynadi", - deya Janni Infantinoning so'zlarini keltiradi Sky News.