"Inter" prezidenti Dyumfrisning "Liverpul"ga o'tishi mumkinligi haqida fikr bildirdi

Milanning "Inter" klubi prezidenti Juzeppe Marotta Denzel Dyumfrisning "Liverpul"ga ketishi mumkinligi haqidagi xabarga munosabat bildirdi.

"Ba'zi telefon qo'ng'iroqlari, hatto to'satdan qilingan bo'lsa ham vaziyatni beqarorlashtiradi. Hozir transfer uchun hech qanday imkoniyat yo'q. Dyumfris biz bilan, "Inter"da qoladi," - deya funktsionerning so'zlarini keltiradi jurnalist Fabritsio Romano.

Dyumfris 2021 yildan beri "Inter" sharafini himoya qilmoqda. Joriy mavsumda 29 yoshli niderlandiyalik futbolchi barcha musobaqalarda 15 ta uchrashuvda maydonga tushib, 3 ta gol urishga muvaffaq bo'ldi.