"Atletiko" Meksika terma jamoasi a'zosi transferini hal qildi

AQShning "Sietl" klubi markaziy yarim himoyachisi Obed Vargas faoliyatini La Liga grandida davom ettiradi.

Meksika terma jamoasining 20 yoshli a'zosi "Atletiko" bilan 2030 yilgacha shartnoma borasida kelishuvga erishdi.

Futbolchi "Atletiko"ga kelishidan oldin ijara asosida (Ispaniya yoki Portugaliya) o'yin amaliyotiga ega bo'ladi.

Transfermarkt Vargasni hozirda 8 million evroga baholamoqda. U faoliyati davomida jami 158 ta o'yinda 8 ta gol urib, 11 ta golli uzatma bergan.