"Rayo Valekano" ustozi: "Real"ni mag'lub etish uchun qo'rquvni engish muhimdir"

"Rayo Valekano" bosh murabbiyi Inigo Peres "Real Madrid"ga qarshi o'yindan keyingi fikrlari bilan o'rtoqlashdi.

"Asalarilar" "Santyago Bernabeu"da deyarli tengma-teng o'ynashga muvaffaq bo'lishdi: Kilian Mbappe 100-daqiqada penaltidan gol urib, "Los Blankos"ga 2:1 hisobida g'alaba keltirdi.

"Real Madrid" libosining o'zi ma'lum bir kuchni ifodalaydi - raqib futbolchilari buni ongsiz ravishda his qilishadi. Bizning maqsadimiz bu tuyg'uni yo'q qilish edi. Tanaffusda biz qo'rquvdan va "Real Madrid"ning kuchi haqidagi fikrlardan xalos bo'lish haqida gaplashdik. Bu jamoani mag'lub etish uchun qo'rquvni engish muhimdir", - dedi Ingo Peres matbuot anjumanida.

"Rayo Valekano" 22 o'yindan keyin 22 ochko bilan La Ligada 17-o'rinda. "Real Madrid" 54 ochko bilan ikkinchi o'rinda.