Karrager: "Kazemiro qariyaga o'xshardi, lekin endi hammasi boshqacha"

"Liverpul"ning sobiq futbolchisi Jeymi Karrager "Manchester Yunayted" yarimhimoyachisi Kazemiro o'zgarganini ta'kidladi.

"Hozir ishonch bilan aytish mumkinki, Kazemironing bu mavsumdagi o'yinidan kelib chiqib, futbol uni tark etmadi. Unga munosib baho berish kerak. Uning o'yini butunlay boshqacha ko'rinadi, jismoniy jihatdan ham o'zgargan. Men o'sha gapni aytayotganimda "futbol seni tark etishidan oldin futbolni tark etish kerak", Kazemiro faoliyatini yakunlash arafasida turgan qariyaga o'xshardi. Endi hammasi butunlay boshqacha", - deya Karragerning so'zlarini keltiradi UtdDistrict.

Eslatib o'tamiz, yaqinda Kazemiro mavsum yakunida "Manchester Yunayted"ni tark etishini e'lon qilgan edi.