Brunu Fernandesh APLda ketma-ket 4 ta o'yindan buyon assist muallifi bo'lmoqda

«Manchester Yunayted» yarim himoyachisi Brunu Fernandesh APLda ketma-ket to'rtta o'yinda golli pas muallifi bo'lmoqda.

Portugaliyalik futbolchi 24-turda «Fulxem»ga qarshi bahsda (3:2) 19-daqiqada jarima zarbasidan Kazemiroga assist berdi, 94-daqiqada esa Benyamin Sheshko urgan g'alaba goliga uzatma qildi.

Brunu 2026 yil boshidan buyon APLdagi barcha to'rt uchrashuvda assist qayd etdi. Joriy chempionatda u 21 ta o'yinda 5 ta gol va 12 ta golli pas bilan liganing eng yaxshi assistenti hisoblanadi.