Bellingem «Rayo Valekano»ga qarshi o'yinning 8-daqiqasida jarohat oldi va ko'z yoshlar bilan maydonni tark etdi (video)

«Real»ning hujumkor yarim himoyachisi Jud Bellingem Ispaniya La Ligasining 22-turi doirasida «Rayo Valekano»ga qarshi uchrashuvning 8-daqiqasida jarohat oldi.

Bellingem raqib darvozasi yaqinida to'p ortidan shiddat bilan yugurdi. Shundan so'ng to'satdan oqsab qoldi, sonining orqa mushagini ushlab, maydonga yiqildi. Angliyalik futbolchi maydonni ko'z yoshlar bilan tark etdi.

10-daqiqada yarim himoyachi o'rniga hujumchi Brahim Dias maydonga tushirildi.

Futbolchi chuqurlashtirilgan tibbiy ko'rikdan o'tganidan so'ng uning jarohati qay darajada ekani aniq bo'ladi.