La liga. «Real» 90+10-daqiqadagi penalti evaziga «Rayo Valekano»ni mag'lub etdi

Ispaniya La Ligasining 22-turi doirasida «Real» va «Rayo Valekano» o'rtasidagi uchrashuv yakunlandi. Bellashuv Madriddagi «Santyago Bernabeu» stadionida bo'lib o'tdi. Maydon egalari 2:1 hisobida g'alaba qozondi.

Uchrashuvda hisobni 15-daqiqada «Real» vingeri Vinisius Junior ochdi. 49-daqiqada «Rayo Valekano» yarim himoyachisi Xorxe de Frutos muvozanatni tikladi. 81-daqiqada mehmonlar yarim himoyachisi Pate Siss to'g'ridan-to'g'ri qizil kartochka oldi. 90+10-daqiqada esa mehmonlar darvozasi tomon penalti belgilandi. Mezbonlar hujumchisi Kilian Mbappe penaltini aniq amalga oshirib, «Real»ga g'alaba olib keldi.

Ispaniya chempionatining 22 ta o'yinidan keyin madridlik «Real» 54 ochko jamg'arib, turnir jadvalida ikkinchi o'rinni egallab turibdi. «Rayo Valekano» esa 22 ochko bilan 16-pog'onada joylashgan.

Keyingi turda «Rayo Valekano» 7 fevral kuni uyda «Ovedo»ni qabul qiladi, «Real» esa 8 fevral kuni safarda «Valensiya»ga qarshi maydonga tushadi.

Ispaniya — Primera. 22-tur
1 fevral 2026 yil, yakshanba. 18:00.
«Real Madrid» (Madrid) — «Rayo Valekano» (Madrid) — 2:1
Gollar: 1:0 — Vinisius Junior (15'), 1:1 — de Frutos (49'), 2:1 — Mbappe (90+10, penalti)
Chetlatishlar: Siss (80'), Chavarria (90+14') — "Rayo Valekano"