Arteta APLdagi uchta g'alabasiz o'yindan so'ng "Arsenal"da yig'ilish o'tkazgan

«Arsenal» shanba kuni safarda «Lids»ni 4:0 hisobida mag'lub etdi. Shu bilan londonliklar Premer-ligadagi g'alabasiz seriyasini to'xtatdi — u uchta o'yindan iborat edi.

The Touchline xabariga ko'ra, chempionatda ketma-ket uch o'yinda g'alaba qozonilmaganidan so'ng, bosh murabbiy Mikel Arteta jamoa bilan uzoq suhbat o'tkazgan. U o'yindagi standartlar pasayganiga e'tibor qaratdi — ayniqsa, diqqat va qaror qabul qilishdagi mayda, ammo qimmatga tushayotgan xatolarni ta'kidladi.

«Arsenal»ning bir qator tajribali futbolchilariga fikr bildirish imkoni berildi. Arteta jamoadan mas'uliyat va qattiqroq ruhiy yondashuvni talab qildi.

«Xabar juda aniq edi: o'yin yomon emas, ammo mavsumning bu bosqichida “yaxshi” bo'lishi etarli emas», — deb yozadi The Touchline.

«Arsenal» so'nggi marta Angliya chempionligini 2004 yilda qo'lga kiritgan.