«Al-Ittihod» «Zenit»ga taklif yubora olmadi

Saudiyaning «Al-Ittihod» klubi qishki transfer oynasida federatsiya cheklovlari sababli «Zenit»ga 19 yoshli yarim himoyachi Pedro bo'yicha rasmiy taklif yuborolmadi. Manbalarga ko'ra, bu taklif yozgi transfer oynasida amalga oshirilishi kutilmoqda.

Qayd etilishicha, «Al-Ittihod» futbolchining klub bilan shartnomani uzaytirgani haqidagi yaqindagi xabarlarga qaramasdan, Pedroga bo'lgan qiziqishni saqlab qolmoqda. Braziliyalik futbolchi «Zenit» bilan yangi shartnomani 2030 yil yozigacha imzoladi.

Pedro «Zenit»ga «Korintians»dan o'tgan. Joriy mavsumda u Rossiya Premer-ligasida 17 ta o'yin o'tkazib, 2 ta gol urdi va 2 ta golli uzatma berdi.